SERBI– Presidenti i Serbisë Aleksandër Vuçiç ka reaguar këtë të premte pas ngjejes së rëndë ku nju 21-vjeçar kreu një masakër duke vrarë tetë persona, mes të cilëve dhe fëmijë si dhe plagosi tremmbëshjetë të tillë. Vuçiç e cilësoi aktin si një sulm të vërtetë terrorist. Lideri serb tha se njerëzit ishin vrarë kriminalisht. Sipas tij ky sulm është sulm ndaj njerëzve dhe shtetit.
Aleksandër Vuçiç: Së bashku me familjarët e fëmijëve të vrarë dhe personelin e sigurimit të shkollës fillore “Vladislav Ribnikar”, dua t’u shpreh ngushëllimet e mia qytetarëve që u vranë sonte në mënyrë kriminale dhe t’u them se jemi bashkë në pikëllimin e tyre. Ky është një sulm ndaj gjithë vendit tonë dhe e ndjen i gjithë populli. Nëse do të isha përkrahës i teorisë së konspiracionit, do të kisha diçka për të thënë, por nuk jam dhe do të shpall masat që do të marrim. Janë rreth 400 mijë njerëz, të gjithë do t’i nënshtrohen masave rigoroze, do ta çarmatosim Serbinë. Armët e pakta që do të jenë në dispozicion do të kërkojnë kontrolle gjashtëmujore dhe një tekst të detyrueshëm për substancat psikoaktive. Në gjashtë muajt e ardhshëm do të marrim 1200 policë të rinj, në mënyrë që prindërit të ndihen të sigurt.
Kjo ngjarje e rëndë vjen vetëm dy ditë pasi një 14-vjeçar ekzekutoi me armë zjarri tetë shokë të klasës dhe rojën e shkollës në Beograd. Serbia po përballet me ditë të vështira sa i përket rendit dhe sigurisë. Në vetëm dy ditë është regjistruar një bilanc lufte me shtatëmbëdhjetë të vrarë. Kjo ka kriijuar pasiguri tek njerëzit të cilët janë shprehur të frikësuar për të dërguar fëmijët në shkollë e pas ngjarjes së sotme dhe për të dalë nga shtëpia.
