BRITANI– Gjykata britanike ka refuzuar këtë të premte arrestimin e Harry Simpson, i cili dyshohet se është i përfshirë në vrasjen e biznesmenit Ardina Nikulaj mesditën e 19 prillit në Shëngjin. Në arsyetimin e saj Gjykata angleze shprehet se nuk e lëshon urdhër arrestin pasi sipas tyre Simpson nuk ka pasur rol në vrasjen e Nikulajt. Katër të të tjerët kanë dalë para togave të zeza ku janë njohur me akuzat por kanë bërë dhe kërkesat e tyre.
Raportohet se Edmond Haxhia, i cili dhe dyshohet se ëhstë porositësi i vrasjes së biznesmenit ka kërkuar nga Gjykata lirikmin me kusht kundrejt bllokimit të pasaportës, monitorimit elektronik, paraqitjes çdo javë në një stacion policie dhe garancive pasurore. Oo të njëjten kërkesë kanë pasur dhe Steven Hunt, Thomas Mithan dhe Harriet Bridgeman. Por kjo kërkesë është kundërshtuar fort nga Prokuroria.
Vrasja e Ardian Nikulajt u zbardh më 26 prill, disa ditë pas ngjarjes. Sipas Policisë së Shtetit në rolin e ekzekutorit ishte portugezi Ruben Saraiva, ndërsa katër britanikë ishin vëzhgues. Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lestakaj.
Biznesmeni u ekzekutua me shtatë plumnba në kokë e trup mesditën e 19 prillit teksa konsumonte kafen në ambientet e lokalit të tij “Coral” në bulevardin e Shëngjinit, shumë pranë plazhit. Autori i maskuar me maskë anti-covid dhe skafandë ka hyrë në ambientet e restorantit nga dera e pasme dhe pasi e ka përshëndetur viktimën për tu siguruar mirë që bëhej fjalë për të njëjtin person e ka ekzekutuar duke e lënë të vdekur në vend. Më pas është larguar sërish nga dera e pasme ku kishte lënë dhe motorin e përdorur në krim. Në lokal në momentin e ngjarjes ka qenë banakieri dhe bashkëshortja e Nikulajt, e cila ndodhej në ambientet e kuzhinës ndërsa shumë pranë viktimës ishte vjehrri i tij. Deri më tani nuk ka asnjë pistë konkrete ku policia e Lezhës të fokusohet. Por një nga pistat më kryesore është ajo e gjakmarrjes pasi rezulton se Ardian Nikulaj është akuzuar vite më parë se është i përfshirë në vrasjen e dy pjestarve të familjes Balaj. Për këtë Nikulajt i është vrarë dhe një vëlla nga fisi Balaj. Ardian Nikuluaj ishte një person i angazhuar dhe në jetën politike përveç biznesit. Ai ishte anëtar i Këshillit Bashkiak të Lezhës, kandidat për deputet në listën e Partisë Social Demokrate të Tom Doshit në zgjedhkjet parlamentare të vitit 2021 dhe në zgjedhjet vendore të 14 majit synonte një karrige në Këshillin Bashkiak po nën siglen e Partisë së Doshit. Ai ishte i m rtuar dhe baba i katër fëmijëve.
