TIRANË– Gazetari Artan Hoxha është shprehur se personi që tentoi të mbante të riun që sulmoi kryedemokratin Sali Berisha një ditë më parë është punonjës i një televizioni. I ftuar në ‘ABC’, Hoxha thotë se personi në fjalë nuk është truprojë e Berishës, por i Syri TV. Sipas Hoxhës, ai ka bërë një shërbim vullnetar pasi e ka ulur intensitetin e goditjes. Ai tha se kishte nuhatur diçka duke qenë se e kishte parë Gerti Shehun mes gazetarëve dhe kishte tentuar ta ndalojë.
Sipas Hoxhës ky akt theu dhe mitin e paprekshmërisë pasi sipas tij Berisha shihej gjithmonë nga të gjithë si i paprekshëm. Ai shtoi se në në mesin e truprojave vetëm një nga qenë i armatosur dhe ai është truproja i ish-presidentit Ilir Meta, i cili ruhet ende nga Garda. Ndërsa një nga truprojat e Berishës ka leje për të mbajtur ar,më por sipas tij ai nuk mund të dal me armë në brez në mes të turmës.
“Është punonjës i Syri TV, ai s’është as punonjës për sigurinë e Berishës, as truprojë as asgjë. Ai e ka ndaluar dhe pot ë mos e prekte ai, goditja e sulmi do të kishte qenë më e fortë. Ai aty ka qenë për të mbuluar protestën, për të ndihmuar gazetarët, por e ka parë mes gazetarëve dhe ka nuhatur diçka. Është përpjekur ta ndalojë dhe ka bërë një shërbim vullnetar. Kja ulur intensitetin e goditjes,. I vetmi truprojë që ishte i armatosur ishte truproja e Ilir Metës. Truprojat e Berishës nuk kishin armë me vete. Berisha nuk ruhet nga Garda e Republikës për shkak të çështjes së vulës në gjykatë dhe se nuk është njohur akoma zyrtarisht si lider i PD-së. Njëri prej tyre ka leje për të mbajtur armë, por nuk mund të dalë i armatosur në turmë, nuk i lejohet. Berisha është një njeri që e ha turmën, e çan, ecën, flet e përshëndet kë ka para. Nuk pyet dhe ajo që ndodhi dje theu paparekshëmrinë e Berishës. Kishte një mit që Berishën s’e prek askush dhe kjo gjë u thye”, tha Hoxha.
