PUKË– Policia ka dalë me njoftim zyrtar në lidhje me të shtënat me armë zjarri pak pas mesnatës në Pukë. Përmes një njoftimi për mediat blutë e Pukës bëjnë me dije se autori ëahtë një 26-vjeçar nga Tirana i identifikuar me inicialet K.P, i cili është shpallur në kërkim.
Raportohet se ngjarja ka ndodhur në aksin rrugor Pukë – Fushë-Arrëz dhe autori ka qëlluar në ajër teksa makina ishte në lëvizje.
Ndërkohë kryebashkiaku socialist i Pukës Gjon Gjonaj, i cili në këto zgjedhje kërkon një mandat tjetër ka reaguar pas ngjaejes dhe ka drejtuar gishtin nga rivali i tij në garë Rrok Dodaj për presione.
NJOFTIMI I POLICISË:
Qëlloi në mesnatë, me armë zjarri në ajër nga automjeti, Policia identifikon dhe shpall në kërkim autorin. Vijon puna intensive për kajen e 26-vjeçarit. Shërbimet e Komisariatit të Policisë Pukë, me marrjen e njoftimit, në mesnatë, rreth orës 00:20, se në dalje të qytetit të Pukës në aksin rrugor Pukë – Fushë-Arrëz, ishin dëgjuar të shtëna me armë, menjëherë kanë shkuar në vendngjarje dhe kanë organizuar punën, ku falë veprimeve të shpejta kanë bërë të mundur identifikimin e shtetasit, i cili ka qëlluar me armë zjarri, në ajër.
Si rezultat i veprimeve të shpejta të shërbimeve të policisë bazuar dhe në inteligjencën informative, u bë e mundur identifikimi i autorit të dyshuar të kësaj ngjarje dhe shpallja në kërkim e shtetasit K. P., 26 vjeç, banues në Tiranë.
Vijon puna intensive për kapjen e tij dhe vënien përpara përgjegjësisë ligjore. Gjithashtu u bë identifikimi dhe shpallja në kërkim dhe e automjtetit nga i cili ky shtetas ka qëlluar në ajër, duke qënë në lëvizje. Nën drejtimin e Prokurorisë vijon puna për sqarimin e plotë të rrethanave të kësaj ngjarje. Materialet iu referuan Prokurorisë, për veprime të mëtejshme.
