TIRANË– Kryekomisioneri i Zgjedhjeve Ilirjan Celibashi ka bërë këtë të hënë me dije se pavarësisht thirrje së tij disa subjekete politike ende nuk i kanë hequr posterat që kanë parregullsi. Madje sipas tij postera të tilla janë shtuar. Ndërkohë ai kishte njjë mesazh për të gjitha bashkitë ku tha se do të ketë sanksione për to dhe për punonjësit e policisë bashkiake që ende nuk kanë sjellë raporte mbi posterat e fushatave.
Ilirjan Celibashi: Bashkitë të cilat kanë sjellë informacion për vendimin, ku do i vendosin materialet si dhe raporti i Policisë së shtetit mbi zbatueshmërinë. Për Bashki që nuk kanë depozituar vendimin dhe për drejtuesit e policisë bashkiake që nuk kanë sjellë informacion, do ketë sanksione. Ne do të urdhërojmë të hiqen të gjitha materialet propagandistike të kujtdo subjekti zgjedhor, të cilat nuk kanë mbishkrimin prodhuar në përgjegjësinë ligjore dhe emrin e subjektit. Do urdhërohet policia bashkiake dhe policia e shtetit që t’i heqë këto materiale, kjo vlen për të 61 bashkitë dhe vlen për të gjitha subjektet. Do duhet që deri në orën 24:00 të së premtes, duhet të kemi informacion nga drejtuesit respektivë të policisë bashkiake dhe asaj të shtetit në zbatim të këtij vendimi
