TIRANË– Ekzekutori i biznesmenit Ardian Nikulaj në Shëngjin Ruben Saraiva është arrestuar në Marok një ditë më parë por mbetet ende e paqartë se si do të kryehet ekstradimi i tij drejt vendit tonë duke qenë se Shqipëria nuk ka një marrëveshje të tillë me Marokun. Mësohet se autoritetet e Marokut kan kërkuar nga Prokuroria e Lezhës që tu vihet në dispozicion dosja hetimore ndaj portugezit që mesditën e 19 prillit ekzekutoi me shtatë plumba në kokë e trup Ardian Nikulajn, teksa ky i fundit po pinte kafe në restorantin e tij.
Raportohet se duke qenë se vendi ynë dhe Maroku nuk kanë marrëveshje për ekstradim ekziston mundësia që Saraiva të shkëmbehet me ndonjë person të shpallur në kërkim nga autoritetet marokene dhe që mund të jetë ndaluar në Shqipëri.
Vrasja e Ardian Nikulajt u zbardh më 26 prill, disa ditë pas ngjarjes. Sipas Policisë së Shtetit në rolin e ekzekutorit ishte portugezi Ruben Saraiva, ndërsa katër britanikë ishin vëzhgues. Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lestakaj.
Biznesmeni u ekzekutua me shtatë plumnba në kokë e trup mesditën e 19 prillit teksa konsumonte kafen në ambientet e lokalit të tij “Coral” në bulevardin e Shëngjinit, shumë pranë plazhit. Autori i maskuar me maskë anti-covid dhe skafandë ka hyrë në ambientet e restorantit nga dera e pasme dhe pasi e ka përshëndetur viktimën për tu siguruar mirë që bëhej fjalë për të njëjtin person e ka ekzekutuar duke e lënë të vdekur në vend. Më pas është larguar sërish nga dera e pasme ku kishte lënë dhe motorin e përdorur në krim. Në lokal në momentin e ngjarjes ka qenë banakieri dhe bashkëshortja e Nikulajt, e cila ndodhej në ambientet e kuzhinës ndërsa shumë pranë viktimës ishte vjehrri i tij. Deri më tani nuk ka asnjë pistë konkrete ku policia e Lezhës të fokusohet. Por një nga pistat më kryesore është ajo e gjakmarrjes pasi rezulton se Ardian Nikulaj është akuzuar vite më parë se është i përfshirë në vrasjen e dy pjestarve të familjes Balaj. Për këtë Nikulajt i është vrarë dhe një vëlla nga fisi Balaj. Ardian Nikuluaj ishte një person i angazhuar dhe në jetën politike përveç biznesit. Ai ishte anëtar i Këshillit Bashkiak të Lezhës, kandidat për deputet në listën e Partisë Social Demokrate të Tom Doshit në zgjedhkjet parlamentare të vitit 2021 dhe në zgjedhjet vendore të 14 majit synonte një karrige në Këshillin Bashkiak po nën siglen e Partisë së Doshit. Ai ishte i m rtuar dhe baba i katër fëmijëve.
