TIRANË– Kryekomisioneri i Zgjedhjeve Ilirjan Celibashi bëri të ditur këtë të martë se Komisioni Qëndror i Zgjedhjeve ka përfunduar të gjithë bazën materiale të nevojshme për zgjedhjet vendore të 14 majit. Përmes një deklarate për mediat Celibashi tha se kanë përgatitur një aplikacion ku çdo qytetar mund të raportojë problematikat që vëren në qendrën e tij të votimit. Ndër të tjera kreu i KQZ-së bëri të ditur dhe problematikat që janë denoncuar deri më tani pranë këtij institucioni.
Ilirjan Celibashi: Kushdo mund të ngarkojë në aplikacion të gjithë problematikën që sheh në ditën e zgjedhjeve. 38 kandidatë nga mbi 23 mijë kandidatë për kryetarë bashkie dhe anëtarë të këshillit bashkiak, të cilët KQZ-ja në bazë të asaj që kanë deklaruar, por edhe indiciet e marra nga partitë, kemi vendosur të kërkojmë verifikim të thelluar nga prokuroria. Janë 10 kandidatë për kryetarë bashkie që janë dërguar për hetim të thelluarPD nuk ka sjellë anëtarët e komisioneve për 422 qendra votimi, PL nuk i ka sjellë në 75 qendra votimi.
