DURRËS– Një 30-vjeçar i identifikuar me inicialet R.L është arrestuar këtë të martë në Durrës pasi pas kontrollit fizik të kryer nga efektivët e patrullës iu gjet dhe sekuestrua një pajisje elektrike elektroshok si dhe një mjet prerës biçak. Ndërsa një 24-vjeçar i identifkuar me inicialet G.Z është plagosur mbrëmjen e djeshme në vendin e punës në një fabrikë tullash. Ndërkohë një person ende i paidentifkuar nga blutë e qytetit bregdetar ka dëmtuar gjatë mbrëmjes së djeshme derën e jashtme të një biznesi me makinë dhe më pas është larguar nga vendi i ngjarjes.
NJOFTIMI I POLICISË:
Durrës -Specialistët për Hetimin e Krimeve të Komisariatit të Policisë Durrës arrestuan në flagrancë shtetasin R. L., 30 vjeç, banues në Durrës, pasi gjatë kontrollit fizik, iu gjetën dhe iu sekuestruan një pajisje elektrike dhe një mjet prerës (elektroshok dhe biçak). -Mbrëmjen e djeshme, në fabrikën e tullave, në fshatin Luz, Fushë Krujë, është dëmtuar dyshohet gjatë procesit të punës, dhe është jashtë rrezikut për jetën, shtetasi G. Z., 24 vjeç, banues në fshatin Luz. Vijon puna për dokumentimin e plotë ligjor të rrethanave të kësaj ngjarjeje. -Gjatë natës, në fshatin Shënavlash, një shtetas ende i paidentifikuar ka dëmtuar derën e jashtme të një biznesi dhe një automjet të parkuar afër kësaj dere. Vijon puna për identifikimin dhe kapjen e këtij shtetasi. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
