SHKODËR– Është vënë në prangat e Policisë së Shkodrës 52-vjeçari, i cili një ditë më parë goditi me lopatë në kokë një 56-vjeçar të identifikuar me inicialet A.K në Koplik. Raportohet se ngjarja ndodhi pas një konflikti të çastit mes tyre. I plagosuri ndodhet jashtë rrezikut për jetën. Materialet procedurale i kaluan Prokurorisë.
NJOFTIMI I POLICISË:
Nga veprimet e para hetimore, dyshohet se 52-vjeçari, ditën e djeshme, në vendin e quajtur “Badra e Mehajve”, Koplik, pas një konflikti të çastit, për motive të dobëta, ka goditur me send të fortë (lopatë) në kokë, dhe i ka shkaktuar dëmtime të rënda, shtetasit A. K., 56 vjeç, banues në Koplik. 56-vjeçari merr asistencë mjekësore në spital dhe është jashtë rrezikut për jetën. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Plagosja e rëndë me dashje”.
