TIRANË– Një trup i dekompozuar është gjetur mesditën e kësaj të mërkure afër “Urës së Tabakëve” në kryeqytet. Policia bën me dije se viktima është gjetur pranë një grumbulli shkurresh dhe dyshohet se është endacak. Grupi hetimor ka mbërritur në vendin e ngjarjes dhe po punon për zbardhjen e plotë të saj.
NJOFTIMI I POLICISË:
Tiranë/Informacion paraprak. Më datë 10.05.2023, rreth orës 11:55, afër Urës së Tabakëve, në një grumbull shkurresh, është gjetur i dekompozuar trupi i një shtetasi ende të paidentifikuar, në pamje të parë endacak. Grupi hetimor po punon për identifikimin e trupit të pajetë dhe për sqarimin e rrethanave të ngjarjes.
