MALËSI E MADHE– Kryetari i Partisë Demokratike Sali Berisha e ka ndalur turin e tij elektoral në qarkun e Shkodrës këtë të mërkurë. Paradite ai u ndal në Malësi të Madhe ku përveçse bëri thirrje për të mbështetur kandidatin e koalicionit “Bashkë Fitojmë” ironizoi dhe kryeministrin Edi Rama. Gjatë fjalës së tij Berisha tha se shqiptarët nuk do të ndjekin nga pas një njeri me pesë martesa e që thotë kam tre besime fetare në familje për të bërë ndarësi.
Sali Berisha: Thotë jo gomari, jo cakalli, nuk kam motër. E fjalë të tilla,po ti je qeveritar, duhet të thuash se cfarë të bësh. Nuk janë qytetarët të interesuar, ke motër apo jo. I them Edi Ramës, je një copë injoranti që ke vetëm veten shok, se vetëm në Malësi nuk e bën atë përpjekje, jo sot. Lexo pak para se të vish e të përmendësh ndasitë këtu, le kur thotë kemi 3 besime në një familje. Tani me thënë të drejtën, s’kanë në mend shqiptarët me të ndjek ty me 5 martesa. Shqiptarët janë mirë me 1 martesë, keq më vjen që po ta them, po do ia them. Kam këtë e kam atë, po dihet si i ke, se nëse i futemi më tutje i nxjerrim më keq.
