TIRANË– Të dielën e 14 majit, ditë kur në të gjithë vendin do të zhvillohen zgjedhjet vendore, në 61 bashkitë do të jenë të angazhuar 5500 forca policie për mbarëvajtjen e tyre. Gjatë tre muajve të fundit OSBE dhe KQZ kanë trajnuar rreth 7 mijë punonjës për zgjedhjet dhe pjesa më e madhe e tyre do të angazhohen për transportimin dhe ruajtjen e materialeve zgjedhore.
Ata janë përgatitur dhe trajnuar dhe për të hyrë brenda Qendrave të Votimit për çdo rast që shihet e nevoijshme ndërhyrja e Policisë. Të njëjtët persona, pas përfundimit të procesit të votimit në orën 19:00, do të shoqërojnë kutitë e votimit drejt KZAZ-ve. Ndërkohë në KZAZ-të e ndryshme kanë mbërritur materialet zgjedhor dhe prej disa ditësh, Policia e Shtetit i ka marrë në mbrojtje.
