LEZHË– Një aksident i rëndë me pasojë vdekjen është regjistruar pasditën e kësaj të enjteje në aksin që lidh Rrilën me Lezhën. Raportohet se një makinë që po drejtohej nga një i mitur përplasi për vdekje 60-vjeçarin, identiteti i të cilit nuk është bërë i ditur. Policia ka mbërritur në vendin e ngjarjes dhe po punon për zbardhjen e plotë të saj.
NJOFTIMI I POLICISË:
Lezhë/Informacion paraprak. Rreth orës 15:30, në rrugën dytësore që lidh fshatin Manati me Barbullojë e Re, shtetasi i mitur P. M. 14 vjeç, duke drejtuar një automjet, ka aksidentuar shtetasin F. L. 63 vjeç, i cili po lëvizte me motoçikletë. Për pasojë ka humbur jetën drejtuesi i motoçikletës. I mituri është shoqëruar në ambientet e policisë për kryerjen e veprimeve të mëtejshme procedurale bazuar procedurës standarte të punës dhe Kodit të Drejtësisë Penale për të Mitur. Grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.
