TIRANË– Sulmi i djeshëm ndaj kryetarit të Partisë Demokratike teksa po marshonte në rrugën nga selia e Partisë Demokratike drejt Bulevardit ‘Dëshmorët e Kombit’ ka tronditur jo vetëm opinion publik në vend por dhe jashtë tij. Gerti Shehu e qëlloi kryedemokratin me grusht në fytyrë duke e rrëzuar në tokë. Kreu i PD u ngrit sërish në këmbë dhe vazhdoi rrugën pavarësisht se ishte i gjakosur dhe me syrin e nxirë.
Por Sali Berisha nuk është i vetmi politikan që ka rënë pre e sulmeve nga persona të ndryshëm, me qëllime të ndryshme dhe pse ndonjëherë kanë mbetur të mbulura me mister. Dy aletatë të ngushtë dhe bashkëpunëtorë të tij në qeverisje, ish-kryeministri Italian Silvio Berlusconi dhe ish-presidenti amerikan Xhorxh W Bush kanë rënë pre e sulmeve.
Silvio Berlusconi
Ish-kryeministri Italian pavarësisht se kishte rënë pre e disa sulme verbale dhe akuzave nuk e kishte menduar që mbrëmjen e 13 dhjetorit të vitit 2009 do të binte pre e një sulmni fizik. Ai ishte në mesin e turmës në Milano kur një person u afrua me shpejtësi dhe e goditi në fytyrë. Grushti ishte I fortë aq sa Berlusconi përfundoi në tokë i gjakosur. Ai u mor menjëherë nga ndihmësit e tij dhe u fut në makinë dhe u largua nga vendi i ngjarjes. Berlusconi shkoi në spital dhe sipas mjekëve në atë kohë nuk kishte marrë dëmtime serioze.
Xhorxh W Bush (I riu)
Udhëheqësi i Shteteve të Bashkuara të Amerikës ose ashtu siç thuhet nga të tjerë udhëheqësi i botës demokratike Xhorxh W Bush është ruajtur gjithmonë ndaj sulmeve fizike që mund të vinin ndaj tij, kjo dhe për peshën e madhe që ka posti që mban. Kur Bushi mori udhëtimin për në Irak e dinte mirë mirë se mund të përballej me të papritrura, kjo pasi vizita e tij vinte 6 vjet pasi SHBA bashkë me aletaët sulmuan Irakun. Ishte viti 2008, dhe Bush ishte në vitin e fundit presidencial kur gjatë një konference me homologun irakien u sulmua nga Muntadhar al-Zaidi, atëherë një gazetar 28-vjeçar, i cili hodhi një këpucë ndaj tij si ‘dhuratë’ nga irakianët.
Emannuel Macron
Kur mori detyrën si president I Francës, Macron nuk e dinte që nuk do ta kishte të lehtë atë detyrë. Mes protestash, polemikash por dhe pakënaqësish Macron përveç sulmeve verbale ndaj tij kanë rënë pre dhe e sulmeve fizike. Presidenti është goditur me vezë nëpër takime electoral;e por dhe me shuplakë në fytyrë siç ishte rasti i fundit. Kur ai po u jepte dorën njerëzve një qytetar e goditi me shuplakë në fytyrë. Agresori u neutralizua ndërsa presidenti u largua nga aty nga truprojat.
Albin Kurti
Jo vetëm liderët perëndimor kanë rënë pre e sulmeve të ndryshme. Një rast i paprecentë është shënuar dhe në Kosovë ndaj kryeministrit Albin Kurti. Një muaj më parë kur po dilte nga selia e qeverisë Albin Kurti nuk e dinte se qe priste jashtë derës. Në momentin që doli jashtë një grup deputetësh përballë tij e sulmuan me qershi. Në akord me njëri-tjetrin ata vërshuan qershi ndaj tij. Truprojat u hodhën menjëherë sipër tij për ta mbrojtur duke menduar se mund të kishte diçka tjetër.
Shinzo Abe
Mëngjesin e 9 korrikut kur doli nga shtëpia për të nisur fushatën elektorale Shinzo Abe nuk e mendonte se ai do të ishte udhëtimi i tij i fundit. Kur ishte në mes të fjalimit të tij një person doli përmes turmës dhe qëlloi me armë zjarri ndaj tij. Në fillim ai mbeti i plagosur por më vonë u mësua se nuk arriti ti mbijetonte plagëve të marra. Shinzo Abe ishte një rasti i një sulmi fatal dhe dëshmia e saj që dhe nëse je i rrethuar nga truproja të shumtë kurrë nuk dihet se nga të vjen papritura.
Sulmi i djeshmë theu dhe mitin e të paprekshimit që simbolizonte njeriun që për 31 vite ja ka dalë të dominojë politikën shqiptare. Kryetari i PD dje u sulmua fizikisht por nuk ishte rasti I pare i një sulmi ndaj por ky mbetet më i rëndi për shkak se këtë herë jo granata për një grusht në mes të turmës së njerëzve do e rrëzonte përtokë.
