KSOOVË– Kryeministri i Kosovës Albin Kurti ka folur pas takimit të zhvilluar këtë të enjte me të Dërguarin e Posaçëm të Bashkimit Europian për dialogun Kosovë-Serbi Miroslav Lajçkak. Kurti tha se Kosova insiston në zbatim të plotë e të përpiktë të marrëveshjes të arritur në Bruksel dhe Ohër.
Albin Kurti: Insistimi ynë është ajo çfarë jemi dakorduar: zbatim i plotë, i përpiktë i secilit nen pa vonesa dhe pa kushte. Ne e dimë që pala tjetër ka bërë deklarata se marrëveshjen nuk e pranon në përmbajtje por vetëm në koncept dhe se zbatimi i saj ka kufizime. Për neve këto janë të papranueshme dhe për neve ishte e rëndësishme që sot ta konfirmojmë më emisarin lajcak që marrëveshja është ajo me 11 nene nga 27 shkurti në Bruksel dhe me 12 pika aneksi i zbatimit në Ohër. Tash jemi të interesuar që të bashkëpunojmë e ta shkruajmë bashk më tej një vizion për komunitetin serb në Kosovë sa i përket nivelit adekuat të vet menaxhimit, siç e sheh neni 7 i marrëveshjes së dakorduar duke mos anashkaluar edhe nenin 10. Ky është synimi ynë paralelisht me atë që duhet të ketë implementim të plotë dhe më të shpejt. Bisedimet janë duke u zhvilluar. Pas Kosovës Lajçak do të shkoj edhe në Serbi dhe në javën e ardhshme besoj që do të kemi një takim.
Këtë të enjte i Dërguari i Posaçëm i Bashkimit Europian për dialogun Kosovë-Serbi ka zhvilluar një vizitë në Kosovë ku u takua me kryeministrin Albin Kurti. Në fokus të këtij takimi ka qenë dialogu mes Kosovës dhe Serbisë dhe zbatimi i marrëveshjes së arritur në Ohër mes Kurtit dhe Presidentit të Serbisë Aleksdandër Vuçiç.
