TIRANË– Kryeministri Edi Rama ka deklaruar këtë të enjte se nuk e njeh Sali Berishën si kryetar të Partisë Demokratike. I ftuar në ”Opinion” Rama tha se nuk e pranon ftesën e kryedemokratit për debat public pasi sipas tij ai është një sharlatan.
Edi Rama: Kam 1 mijë arsye pse ky njeri nuk meriton debat se ky është një sharlatan që tallet ditën dhe natën me popullin shqiptar. Nëse shumica e popullit shqiptar ia jep përgjigjen rregullisht, atëherë detyrimi i këtij njeriu është me ata që e votojnë. Nuk e njoh për kryetar opozite dhe e konsideroj një të vdekur mes të gjallëve. Ai është një turp sot, për shtetin dhe popullin shqiptar. Është një person që na ulë kokën të gjithëve para atyre që ne pa ata nuk bëjmë dot.
