KORÇË– Kjo fushatë elektorale nuk do të jetë e qetë. Këtë e tregojnë tensionet e fundit pothuajse në të gjithë vendin. Rasti i fundit vjen nga Korça ku deputeti i Partisë Demoktratike Edmond Spaho është dhunuar nga kryetari i Bashkisë Maliq Gëzim Topçiu dhe deputeti socialist Ilir Përndavinji. Në video shihet se Spaho ka qenë duke filmuar një takim elektoral të tyre kur në një moment i janë afruar dhe pasi i kanë hedhur telefonin në tokë e kanë shtyrë me forcë.
Edmos Spaho: Në fushën e sportit të Vreshtasit janë lajmëruar të mblidhen gjithë traktoristët e Bashkisë Maliq me gjoja regjistrimin që do t’ju bëhet për tu bërë targat. Të gjithë traktrorët u mblodhën këtu, i mblodhi Gëzim Topçiu dhe u kërkoi të votojnë për të. Ky është një aktivitet që ska lidhje fare me bashkinë as me deputetin Ilir Përndavinji apo kryetarët NJ. AD. Është një aktivitet i palejuar që zhvillohet në kuadër të fushatës elektorale. Unë e regjistrova edhe kryetarin e bashkisë dhe deputetin dhe më sulën nga mbrapa gjithë stafin e bashkisë për të më ofenduar, më rrëzuan telefonin nga dora që po filmoja dhe më akuzonin se po fus përçarje mes njerëzve kur në unë dokumentova një aktivitet të paligjshëm elektoral që bën gënjeshtari Gëzim Topçiu sepse në fund u tha që të hënë do filllojnë regjistrimet. Nuk i takon bashkisë të merret me këtë punë, i takon Drejtorisë së Transportit. Janë mësuar të vjedhin votat, edhe në 2021 kryetari i Nj. Adm Vreshtas e kam kapur duke blerë vota në Podgorie. Këta kërkojnë të mashtrojnë qytetarët, fermerët, traktoristët. Konflikti u shmang por stafi i Topçiut më erdhën nga mbrapa duke më intimiduar dhe ofenduar.
