TIRANË– Kreu i grupit parlamentar i Partisë Socialiste Taulant Balla ka reaguar pas arrestimit të kandiatit të koalicionit “Bashkë Fitojmë” në Himarë Fredi Beleri. Përmes një postimi në rrjetet sociale Balla shkruan se kreu i Partisë Demokratike Sali Berisha ka qenë i informuar që në vitin 2007 që Fredi Beleri është një person i dënuar për urrejtje nacionaliste.
POSTIMI:
Kur Sali Berisha ishte Kryeministër, informohej zyrtarisht nga SHISH se Alfred Beleri është një person i dënuar, i shpallur në kërkim për “thirrje për urrejtje nacionaliste”, në prag të zgjedhjeve vendore. Sot ky person është kandidati i Sali Berishës dhe Ilir Metës në Himarë dhe për turpin e tyre guxon të flasë për helenizim të Himarës. Ky është kulmi i maskarallëkut për të tre.
