Zgjedhjet presidenciale në Turqi bënë që të përhapeshin zërat se finalja e UEFA Champions League do të “largohej” nga qyteti më i madh turk Stamboll, prej frikës së trazirave të mundshme pas procesit elektoral.
Këto thashetheme morën aq shumë vëmendje sa shumë tifozë filluan të anulonin prenotimet e tyre, megjithatë UEFA ka bërë me dije se finalja e kompeticionit elitar për klube do të zhvillohet pranë brigjeve të Bosforit.
Më 10 qershor, stadiumi olimpik “Atatürk” do të presë finalen. Kështu ishte planifikuar dhe kështu kanë konfirmuar për “MARCA” burime të organizmit kryesor të futbollit europian.
Më herët, gazeta britanike “Daily Mail” raportoi se “Estadio da Luz” shihej si një alternativë e mundshme ndaj kompleksit turk, por UEFA theksoi se nuk ka asgjë të vërtetë, duke shtuar se nuk ka bisedime me asnjë qeveri apo fedratë futbolli për zhvendosjen e finales.
UEFA i cilësoi raportimet si të pabaza dhe të pasakta.
