TIRANË– Kryeministri Edi Rama ka përmbyllur fushatën elektorale në qarkun e Shkodrës ku kërkoi dhe njëherë votën e shkodranëve për Benet Becin. Gjatë fjalë së tij kryesocialisti tha me humor se në PD ka plasur xhelozia për Benetin a thua se socialistët u kishin marrë të “dashurën”. Në fund ai u bëri thirrje qytetarëve që ti jepnin një mundëesi që PS të fitonte Shkodrën pasi sipas tij qytetit do të kishte përfitime të mëdha.
Edi Rama: Beneti si Shqipëria nuk është blu, as mavi, është kuq e zi. Shkodra duhet të votojë kuq e zi këtë herë duke votuar për Benetin. Ata të djathtët duhet të shohin sa xheloz janë bërë, sikur i kemi marrë të dashurën. U mërzit shumë Beneti, më tha është shqetësuar shumë doktori. I thashë, mua ma thua këtë, unë kam një jetë që punoj për të shqetësuar doktorin. Ça problemi kam unë? Më thotë, Benet pse ike? Ku të kanë kapur? I thashë, thuaji më ka kapur Shkodra, s’ma ka kapur njeri. Benetin e ka kapur një pasion, një ambicie për të bërë Shkodrën, si Vlorën. Tonini është mërzit dhe thotë po fitoi Beneti, ta po m’hikin fondet në Shkodër. U them të gjithëve këtu. Orë njeriu e provon mo vlla. Ore ç’është kjo? dun me vdek pa provu njëherë një gjë tjetër. Njeriu e provon. Jo! Si mor jo? Nuk e kuptoj. Çfarë nuk provuam në këtë demokraci, liri? Mos me provu iher me marrë në punë një tjetër kur ai që ke ta bën punën keq, po kjo është kulmi. Pse Boga është e pastër, e Thethi ka plehra? Në Bogë është Malësia e madhe, Thethi është e Shkodrës.
