DIBËR– Një tjetër incident është regjistruar mbrëmjen e kësaj të premteje në Dibër. Kandidati i koalicionit ”Bashkë Fitojmë” Ismail Uka ka denoncuar një rast që sipas tij ka të bëjë me shit-blerjen e votave. Raportohet se një inspektor i IKMT, së bashku me dy punonjës të tjerë janë kapur në Dibër janë kapur duke shpërndarë para dhe ushqime.
Elton Lleshi, i cili punon si inspektor pranë IKMT dhe dy punonjësit, identiteti i të cilëve nuk është bërë i ditur janë bllokuar brenda një pallati nga banorë të zonës. Më pas është lajmëruar Policia e Dibrës që ka bërë dhe shoqërimin në Polici. Por ende nuk kemi një reagim zyrtar nga Policia e Dibrës.
