TIRANË– Një aksident i rëndë me pasojë vdekjen e një 69-vjeçareje të identifikuar me inicialet T.K është regjistruar mbrëmjen e kësaj të premteje në aksin rrugor Selenicë-Vlorë. Raportohet se shkak për aksidentin është bërë humbja e kontrollit mbi mjetin e shoferit 28-vjeçar të identifkiuar me inicialet S.K. Mësohet se i riu pasi ka humbur kontrollin mbi makinën e tij tip ”Opel” ka dalë nga rruga duke shkaktuar dhe bilancin e rëndë me një viktimë dhe tre të plagosur. Këta të fundit janë dërguar menjëherë në spital dhe ndodhën nën kujdesin e bluzave të bardha.
NJOFTIMI I POLICISË:
Sot, rreth orës 22:38, në aksin rrugor Selenicë-Vlorë, shtetasi S. K., rreth 28 vjeç, duke drejtuar automjetin tip “Opel”, ka humbur kontrollin mbi drejtimin e mjetit dhe si pasojë ka dalë nga rruga. Si pasojë e aksidentit ka ndërruar jetë shtetasja T. K., rreth 69 vjeçe, pasagjere në këtë automjet. Gjithashtu kanë ngelur të dëmtuar drejtuesi i automjetit si dhe 2 pasagjerët e tjerë, shtetasit A. K., dhe M. K, të cilët ndodhen në spital, nën kujdesin e mjekëve. Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
