TIRANË– Kandidati i koalicionit “Bashkë Fitojmë” për Bashkinë e Tiranës Belind Këlliçi ka votuar këtë të dielë në shkollën ‘Dora D’istria’ në kryeqytet.
Ai iahte i shoqëruar nga prindërit, partnerja dhe vëllai. Për mediat Këlliçi u bëri thirrje qytetarëve të Tiranës që të dalin masivisht në votime.
Belind Këlliçi: Sapo kreva detyrën time. Ftoj të gjithë qytetarët që të kryejnë detyrën e tyre të votojnë. Ftoj të rinjtë që të votojnë. Sot është dita e madhe, sot është 14 maji që kemi pritur. Ndryshimin e keni vetë në duar, kam apel për rininë, për naçut e Tiranës, që duan të ikin, që mendojnë se është kollaj e të ikin, i them jo, hajdeni e votoni.
