GREQI– Kryeministri grek Kyriakos Mitsotakis ka reaguar sërish ashpër në lidhje me arrestimin e kandidatit të koalicionit “Bashkë Fitojmë” dy ditë më parë në Himarë Fredi Beleri. Këtë të dielë Mitsotakis tha se arrestimi i tij do të ketë ndikim tek marrëdhëniet mes dy vendeve.
Kyriakos Mitsotakis: Ajo që ndodhi me Fredi Belerin është e papranueshme dhe e paimagjinueshme. Dy ditë para zgjedhjeve, një anëtar i minoritetit grek u arrestua në një zonë si Himara. Ia kam bërë të qartë zotit Rama që nuk pranojmë shkelje të drejtave të minoriteteve. Shqipëria duhet ta dijë se nëse kjo politikë vazhdon, do të ndikojë në marrëdhëniet dypalëshe dhe në rrugën e saj europiane. Unë nuk do ta toleroj një sjellje të tillë. Shpresoj që ky rast të zgjidhet sa më shpejt. Do të ketë ndikim të rëndësishëm në marrëdhëniet greko-shqiptare por edhe në rrugën e Shqipërisë drejt BE-së
