KAVAJË– Kandidati i koalcionit “Bashkë Fitojmë” për Bashkinë e Kavajës Fisnik Qosja ka votuar pak momente më parë në qendrën e tij të votimit. Për mediat Qosja tha se qytetarët duhet tu bëjnë thirrje edhe njëri-tjetrit që të dalin masivisht në votime.
Fisnik Qosja: Kavaja është në këmbë për t’i prirë ndryshimit. Kavaja ka nevojë për të ndryshuar kurs. 14 Maj dhe është dita që Kavaja të shkojë aty ku meriton. Ka pasur probleme rast pas rasti, probleme të vogla por nuk besoj se ndikojnë. Kam merakun e njerëzve që vonohen në votim. Ne jemi qytetarë në radhë të parë pastaj jemi kandidatë për kryetarë bashkie. Mbështetësit e mi të dalin masivisht në votime, të trokasin në çdo derë që njerëzit të shkojnë në votime dhe t’i prijnë ndryshimit.
