TIRANË– Kryekomisioneri i Zgjedhjeve Ilirjan Celibashi ka bërë një përditësim të situatës së paraqitur deri në këto momente në të gjitha qendrat e votimit në vend. Gjatë fjalës së tij për mediat Celibashi e cilësoi si spekulim denoncimin për heqjen e bojës së votimit nga gishti dhe se kjo mund të shkaktojë dhe një votim të disa herë nga ana e qytetarëve. Po ashtu një thirrje të fortë kishte dhe për personat që qëndrojnë pa asnjë autorizim në qendrat e votimit dhe i bëri thirrje policisë që ti largojë menjëherë.
Ilirjan Celibashi: Kemi një raportim mbi numrin e zgjedhësve që kanë qenë në orët e para të mëngjesit, 21%. Kemi informacion për 2 incidente, me një komisioner në Fushë Krujë dhe me operatorin në Dibër. Kemi denoncime me parregullsi të veprimeve të anëtarëve në qendrat e votimit. Kemi marrë denoncime për bojën. Kemi pasur një shqetësim për procesin elektronik në Elbasan. Ka një raportim që fletat e votimit janë me shenjë. Probleme me fletat në Peqin dhe Fier. Ka 8 votues që e kanë shenjën, kam parë që i ikën shenja. Ka më shumë spekulim, edhe nëse ka një rast qëndron. Procesi po shkon normalisht. Procesi i identifikimit elektronik po shkon shumë mirë. Ne si komision e konsiderojmë si presion ndaj qytetarëve. është e papranueshme që ata që nuk kanë lidhje me atë qendër të rrinë aty. Të boshatisen menjëherë. Kush refuzon do mbajë përgjegjësi.
