ELBASAN– Pak pas pezullimit të procesit të votimit në Qendrën e Votimit në shkollën ‘Ali Myftiu’ në Elbasan aty kanë mbërritur dy kandidatët për kryebashkiak Luçiano Boçi dhe Gledian Llatja. Raportohet se Boçi është shoqëruar nga deputeti Flamutr Noka, i cili më herët dhe është përplasur me disa qytetarë dhe komkisionerë gati në një përleshje fizke mes tyre. Sipas procesverbalit të firmosur nga komisioni i votimit, Noka u paraqit pranë qendrës në dhomën e votimit në orën 16:46 duke shkaktuar presion dhe debat me tone të larta, të bërtitura dhe intimiduar anëtarët e komisionit dhe vëzhguesit.
NJOFTIMI I POLICISË:
Elbasan. Më datë 14.05.2023, rreth orës 17:00, Policia është njoftuar se në Qëndrat e Votimit të fshatrave Kuqan dhe Shirgjan, drejtuesi politik i koalicionit “Bashkë Fitojmë“, deputeti F. N. ishte futur në QV-në e fshtatit Kuqan dhe ka ofenduar komisionerët, ndërsa në qendrën e votimit në Shirgjan ka tentuar të shtyjë kutitë dhe është larguar. Nga ana e komisionerëve nuk është kërkuar ndërhyrja e Policisë. Në lidhje me njoftimin e marrë, është njoftuar menjëherë Prokurori. Nga ana e Policisë, në drejtimin e Prokurorisë, po vijojnë veprimet verifikuese dhe procedurale në lidhje me të dyja rastet.
