TIRANË– Kryebashkiaku i Tiranës njëherazi dhe drejtuesi politik i qarkut ka uruar për fitoren kandidatin socialist në Vorë Blerim Shera. Veliaj tha se Shera do të bëjë punë të mira për Vorën.
Erion Veliaj: Fitorja e dytë në rang vendi vjen nga Qarku i Tiranës. Fituam me 74 % Bashkinë e Vorës, për t’i shërbyer me dashuri e përkushtim 100% të qytetarëve të saj. Jam i ndërgjegjshëm që kemi fituar bindshëm një bashki historikisht të djathtë, ndaj e shohim me përulesi e mirënjohje të jashtëzakonshme një besim kaq të madh. Bravo Blerimit dhe skuadrës së tij, dhe punë të mbarë nga nesër për t’a çuar Vorën gjithnjë e më përpara.
