Ekpertë të politikës, vëzhgues dhe njohës të fushës politike flasin për ‘New Zone’ mbi problematikat që shoqëruan zgjedhjet e 14 majit dhe për rezultatin e deritanishëm ku dominon PS. Sa i takon problematikave, Migen Qiraxhi nga ‘Qëndresa Qytetare’ i cili kishte rolin e vëzhguesit në këto votime, shprehet për ‘New Zone’ se një ndër to ishte prania e paautorizuar e disa personave ku edhe pse u ngrit si shqetësim nga vetë komisioneri për zbatimin e udhrit nr 62, kjo nuk i ka penguar këta persona të pautorizuar qëndruan deri në përfundim të procesit.
Sipas vëzhgimit të QQ, ky fenomen është evidentuar në QV 266, 276/ Shkolla Prenk Jakova, QV 2464, 2454/1, 2361/00 Elbasan, Shkolla Edith Durham, Shkolla Dëshmorët e Prishtinës, tek QV 309/1 dhe 310.
“Qendresa pati mundësi që prej orëve të para në 14 bashki të vendit të monitorojmë procesin bashkë me 24 monitorues që raportonin në kohë reale mbi procesin. Shqetësimi që patëm mundësinë të artikulojmë prej orëve të para ishte prania e personave të pautorizuar brenda QV, edhe pas artikulimit të këtij shqetësimi si edhe reagimit të vetë Komisionerit për zbatimin e udhrit nr 62, monitoruesit e Qëndresës sistematikisht vunë re persona të pautorizuar deri në përfundim të procesit”.
Zgjedhjet e së Dielës sipas Qiraxhit treguan qartë se kërkojnë më shumë vëmendje sa i takon dhe organizimit pasi sipas vëzhguesve janë evidentuar raste të përdorimit të aparateve celularë brenda qendrave të votimit dhe tentativave për të fotografuar votën, konkretisht në QV 732, 734, 741, 734/1, 741/1 në Lezhë.
Në QV 1357 në zonën e Yzberishit në Tiranë janë penguar vëzhguesit dhe përfaqësuesit e medias për të vezhguar procesin e votimit me jusitfikimin e hapesirave të ngushta. Së fundmi duke përfshirë edhe teknologjinë e cila hasi mjaft probleme duke krijuar vonesa që në orët e para të ditës.
“Kēto ishin zgjedhje që ceduan ne procesin tekniko – adminsitrativ, probleme të cilat meritojnë vëmendje të plotë, nje proces auditimi dhe vlerësimi adminsitrativ të perdorimit te teknologjisë në zgjedhje”.
Nga ana tjetër, Aldo Merkoçi nga Lëvizja ‘Mjaft’ u shpreh për “New Zone” se incidentet e ndodhura ditën e djeshme ishin të padëmshme duke e vlerësuar procesin në tërësi të qetë.
“Dita e votimit në fakt ishte nga më të qetat që kemi patur në zgjedhjet e fundit, incidentet e vogla që u raportuan ishin jo vetëm sporadike por edhe të padëmshme. Është e rëndësishme të vlerësojmë që të gjitha palët në ditën e votimit kryesisht treguan përgjegjshmëri, për t’i siguruar çdo votuesi të drejtën e votimit të qetë”.
Merkoçi theksoi se problemet me pajisjet elektronike mund të ishin shmangur duke përjashtuar mundësinë të kenë qënë të qëllimshme .
“Në fakt ngërçi më i madh dhe pengesa me e madhe e ditës se votimit ishin pajisjet e identifikimit elktronik. Nuk mendoj që ishte qëllimshme, por patjetër që mund të konsiderohet e pafalshme nga ana e administrates se KQZ. Këtë vit, KQZ ka patur dhe buxhetin më të madh në të gjitha zgjedhjet e mëparshme, dhe kjo ka ndodhur pikërisht për t’i siguruar të gjitha burimet materiale dhe humane që të siguronin një proces model pa asnjë problem. Fatkqesisht dita nisi pikërisht më një problem të tillë i cili pengoj fizikisht votën e lirë të qytetarëve për rreth 3 orë. Padiskutimqë kjo u rekuperua gjatë ditës por ende kemi dyshime nëse kjo ka dhëne impaktin e saj në % e votimit”.
Sipas Qiraxhi KQZ duhet të mbajë përgjegjësi për vonesat e krijuara si pasojë e problemeve me pajisjet elektronike, gjithsesi ai shton se nuk mund t’ia dalë e vetme sa i takon teknologjisë.
“KQZ nga komunikimet publike nuk ka tentuar të fshihet pas kësaj situate, por në ditët në vijim ne duhet të kemi të qartë përmasat e këtij problemi. Për të kuptuar më qartë sa peshë ka mosfunksionimi teknik i paisjeve? Sa përqind e rasteve të mosfunksionimit lidhej me mungesën e aftësisë për të përdorur paisjet? Dhe sa nga këto raste kanë rezultuar të tilla me vonesa për shkak të keqmenaxhimit administrativ?Përpos përgjegjësisë, KQZ na detyrohet që këtë analizë të na i japë për të kuptuar dhe prespektivën e qasjes digjitale në vend. A jemi ne një vend që mund të transformohemi në votim elektronik, apo ky proces duhet të marrë më shumë kohë, jo vetëm për të profesionalizuar administratën zgjedhore, por dhe për të fituar besimin e qytetareve.
Unë besoj që në këtë betejë KQZ nuk mundet t’ia dalë e vetme, nëse duam teknologji, teknologjia kërkon përdorues dhe përdoruesit duhen trajnuar. Këtu kemi nevojë të nisim një debat mbi një administratë zgjedhore të një forme tjetër që nuk plotësohet ditët e fundit nga lista partish, por nga një adminstratë zgjedhore profesionale, apolitike e mirëtrajnuar dhe e qëndrueshme”.
Sa i takon rezultatit të deritanishëm Merkoçi u shpreh se diferenca e thellë në bastionet e djathta tregon se opozita ka nevojë për reformim dhe figura të reja.
“Në të treja keto bashki pritej nje fitore e PS, por duhet pranuar se fitorja e Kamzës me atë diferencë ishte një surprizë edhe për skuadrën e cila priste një fitore me rezultat pak më të ngushtë. Gjithashtu e rëndësishme është të nënvizojmë faktin se sa efiçent është votimidhe numërimi elektronik, një avantazh i jashtëzakonshëm për t’i dhënë transparencë dhe besim proçesit zgjedhor.
Pervec Kamzës, Shkodra dhe Tropoja gjithashtu po tregojnë qartazi që opozita është në një udhë pa krye ku nuk po di te orientohet as vetë dhe as votuesit e saj. Qartazi pengesa më e madhe e opozitës për tu reformuar dhe për t’u shnderruar në një forcë serioze garuese më nje platforme frymezuese mbeten vjeturinat si sali Berisha dhe Ilir Meta. Eshte e qartë më shumë se kurrë se vota e këtyre zgjedhjeve është gjithashtu një votë refuzimi për këto 2 personazhe të errëta të shoqerisë shqiptare”.
Bazuar në rezultatet e publikuara nga KQZ vetëm 34.7%, e shqiptarëve votuan këtë të Dielë për krerët e rinj të bashkive, ku rezulton një pjesëmarrje e ulët krahasuar me zgjedhjet e tjera, ndërsa rezultati paraprak nga numërimi i kutive tregon se kryeson bindshëm Partia Socialiste./Newszone.al
