TIRANË– Kryebashkiaku socialist në detyrë i Bashkisë së Kavajës, i cili në zgjedhjet e 14 majit kërkonte një mandat të dytë ka pranuar humbjen në zgjedhje dhe ka shtrënguar duart me kundërshtarin. Krali tha pas daljes nga KZAZ-ja ku po kryhet dhe numërimi i votave se ky ishte vullneti i qytetarëve të tij dhe ai e pranon. Kandidati i koalicionit ‘Bashkë Fitojmë’, Fisnik Qosja është rreth 700 vota para kryebashkiakut socialist Redjan Krali.
Redjan Krali: Ky ishte vendimi i marrë nga qytetarët, ky ishte vullneti i tyre.
Por kjo nuk është përjetuar mirë nga mbështetësit e tij. Një grua që ndodhej pranë tij ka nisur të qajë e dëshpëruar.
Gruaja: O mbret, ti je mbret, o mbret….Ne do të na kesh gjithmonë pranë. Nuk do të braktisim kurrë se ti je njeri punëtor, je djalë shembull, je familjar. Nuk je ti për të humbur. Kavaja në gropë do shkojë tani, nuk do shohë ditë të bardha.
