TIRANË– Zv.kryeministrja, njëherazi ministrja e Infrastrukturës Belinda Balluku, së bashku me kryeministrin Edi Rama dhe ministren Mirela Kumbaro ndodhen sot për një viitë në Azerbajxhan.
Balluku njofton njofton se pas takimit me presidentin e azerbajxhanit është vendosur hapja e ambasadave respektive në Tiranë dhe Baku. Po ashtu është nënshkruar marrëveshja për projektin e gazifikimit të Shqipërisë, duke nisur menjëherë me Korçën.
“Baku – gjatë vizitës zytare në takim me Presidentin Aliev , Ministrin e Jashtëm Mammadov dhe Ministrin e Energjisë Shahbazov. – hapja e ambasadave respektive në Tiranë dhe Baku – Projekti i gazifikimit të Shqipërisë, duke nisur menjëherë me Korçën – Pjesëmarrja aktive e SOCAR në projektin e integruar rajonal të Vlorës , ishin vetëm tre nga prioritetet strategjike që u vendosën për të avancuar sa më parë. Çështje të tjera ekonomike e diplomatike u panë me interes nga të dy delegacionet për t’u diskutuar më tej në nivel teknik. Marrëdhëniet mes Shqipërisë dhe Azerbajxhanit sot janë në nivelin më të lartë dhe premtues për bashkëpunimet e së ardhmes”, shkruan Balluku në Facebook.
