TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka regjistruar këtë të mërkurë procedim prenal për kandidatin e koalicionit “Bashkë Fitojmë” për Bashkinë e Himarës Fredi Beleri. Ky i fundit, tashmë fitues në garën e 14 majit u arrestua një natë para zgjedhjeve me akuzën e “Korrupsionit aktiv në zgjedhje” për shit-blerje votash. Tashmë dosja kalon nga Prokuroiria e Vlorës në SPAK.
Arrestimi i Fredi Belerit ka sjellë një reagim të fortë jo vetëm në politikën shqiptare por dhe në Athinën zyrtare, e cila ka kërkuar lirimin e tij të menjëhershëm. Tensionet diplomatike kanë qenë të forta ku ministrja e Jashtme Olta Xhaçka ka shkëmbyer replika rtë shumta online me zyrtarët grekë ku ka kërkuar mos të ndërhyjnë një një proces zgjedhor dhe ligjor në Shqipëri. Fredi Beleri pavarësisht se në burg ia doli që të fitojë Bashkinë e Himarës, por fati i tij politik ende nuk dihet.
