TIRANË– Ka nisur me tensione dhe debate seanca e parë e Kuvendit pas zgjedhjeve vendore të 14 majit. Deputeti Flamur Noka hodhi akuza të forta ndaj qeverisë për manipulim të zgjedhjeve, kërcënimi të qytetarëve dhe blerje të votave. Sipas tij e gjithë makineria shtetërore ishte në shërbim të kandidatit socialist Gledian Llatja.
Flamur Noka: Sot është një ditë që cdo shqiptar i ndershëm duhet të jetë kryeulur kur analizon dhe shikon që para dy ditësh u mbyll një proces më i turpshmi në historinë e Shqipërisë. Të dielën, në Shqipëri nuk kishte zgjedhje, kishte një proces votimi. Duhet të ketë një demokraci të konsoliduar, por të dielën kishte një narko-regjim. Në Shqipëri u tregua se vija ndarëse mes partisë-pushtetit dhe shtetit nuk ekziston. Në Shqipëri, u blenë të gjitha me para droge. Të gjitha ishin të PS për të blerë, vjedhur, dhunuar dhe terrorizuar procesin, vetëm e vetëm me 1 kusht. Që Rilindja të merrte pushtetin, banda e quajtur qeveri shkoi në zgjedhje me një moto; të gjithë pushtetin sovjetëve. Pse ndodhi? Kjo tregon mentalitetin, nuk ishte imahjinuar, që kryeministri të thoshte po votuat opozitën do ju lemë pa bukë. Po e coni vendin në skajet e të pamundurës. Po i thoni shqiptarëve se jeni kavje, nuk ka vend në bote që po përdor këtë instrument. Elbasani e tregoi këtë. Po në Blesh? Po në Rrogozhinë? Vetëm që i gjithë pushteti të jetë i juaji.Bëhuni gati, do u përgjigjemi sikur jeni, një bandë kriminale. Nuk ka rrugë tjetër.
