VLORË-Një ditë pasi ambasadorja e Greqisë e vizitoi në qeli, këtë të enjte një zyrtar i lartë grek ka shkuar në paraburgimin e Vlorës ku ka zhvilluar një takim ke kryebashkiakun e zgjedhur të Himarës Fredi Beleri. Bëhet fjalë për zëvendësministrin Theoharis Lalakos. Kjo është vizita e parë ne një zyrtari të lartë të qeverisë greke që vjen në Tiranë për tu takuar me Belerin.
Ndërkohë që Athina zyrtre ka reaguar ashpër për arrestimin e tij. Fredi Beleri, tashmë kryebashkiaku i zgjedhur i Himarës nga radhët e koalicionit “Bashkë Fitojmë” u arrestua një natë para zgjedhjeve vendore të 14 majit për akuzën e “Korrupsionit aktiv në zgjedhje”. Sipas Prokurorisë Beleri u arrestua në kushtet e flagrancës në tentativë për të blerë vota. Tashmë dosja ka kaluar në duart e Prokurorisë së Posaçme Kundër Korrupsionit dhe Krimit të Organizuar.
