ITALI– Italia prej ditësh është në kaos prej motit të keq që ka përfshirë vendin, ku deri më tani janë regjiustruar 9 viktima ndërsa në total 13 mijë qytetarë janë detyruar të zhvendosën nga shtëpitë e tyre. Lumejt kanë dalë nga shtratet dhe kanë vërshuar nëpër rrugët e qyteteve. Pamjet tregojnë një skenë të llahtareshme filmi por që në fakt është realiteti me të cilin po përballen italianët prej ditësh.
Ndërkohë 27 mijë banorë janë pa energji elektrike në provincat Emilia, Romagna dhe Bologna. Qindra banesa janë kthyer në të pabanueshme pasi ujë ka vërshuar brenda tyre. Ndërkohë që dëmet deri më tani llogariten deri në qindra milionë euro. Emergjencat Civile dhe të gjithë strukturat e ndihmës dhe ligjzbatuese janë në gatishmëri në plotë për të minimizuar humbjet fatale të jetëve.
