Një 39 vjeçar shqiptar ka ngelur i plagosur në burgun e Malandrinos në Greqi. Mediat greke raportojnë se ngjarja ka ndodhur dy ditë më parë, ku dy shtetas shqiptarë të dënuar janë përplasur e për pasojë njëri prej tyre, identiteti i të cilit nuk është bërë me dije nga autoritetet vendase, ka mbetur i plagosur.
Si autor i plagosjes është identifikuar një bashkatdhetar 30-vjeçar. Autori ashtu edhe i plagosuri vuajnë dënime për krime të rënda. Shkaqet e ngjarjes janë duke u hetuar ndërsa ndaj 30-vjeçarit është ngritur një tjetër dosje për plagosje dhe posedim të thikës në burg.
