TIRANË– Ministrja e Financave dhe Ekonomisë Delina Ibrahimaj ka mbrojtur këtë të premte në Komisionin e Ligjeve projektligjin e propozuar nga qeveria për rritjen e pagave. Para deputetëve Ibrahimaj ka deklaruar se nga kjo rritje do të përfitoijnë 250 funksionarë publikë të nivelit të lartë mes të cilëve dhe Presidenti i cili do të përfitojën një rritje gati dyfish. Sipas ministres paga mesatare do të rritet ndërkohë që shtoi se ministrat dhe deputetët nuk kanë përfituar rritje të pagës së tyre.
Delina Ibrahimaj: Presidenti i republikës, titullarët dhe anëtarët me kohë të plotë të organeve kushtetuese, Përfitojnë 250 funksionarë politike dhe të tjerë që pagën e kanë të lidhur me pagën e presidentit. Efekti financiar vjetor përllogaritet në 20 milion lekë. Paga e presidentit propozohet të rritet në 425 mijë lekë të reja nga 257 që është aktualisht. Për pozicionet që kanë të bëjnë me Kuvendin dhe ekzekutivin janë përjashtuar për ta rikonsideruar në një moment të dytë. Reformë e plotë dhe e thellë e pagave duke filluar nga hierarkia shtetërore. Për ta bërë administratën publike më tërheqëse për menaxherët më të mirë. Në këtë drejtim kemi bërë një analizë të thellë dhe kemi gjykuar që duhet një ndërhyrje e thellë në ligjet për reformën për pagën. Ne mund të nxisim një forcë punëtore më dinamike. Në fakt Shqipëria sot ka hyrë në një fazë të re në aspektin e zhvillimit ekonomik dhe për të qenë sa më konkurruese edhe me rajonin nevojiten këto ligje. Ne sot po çojmë pagën mesatare 900 euro me dy hapa brenda një viti. Hapi tjetër është viti i ardhshëm. Nga 530 euro, në vitin 2024 do të arrijë në 900 euro. Paga minimale është rritur me 6 mijë lekë dhe synimi është që brenda këtij mandati të shkojë në 45 mijë lekë. Kjo politikë vjen si rezultat i mundësive të reja që ka krijuar ekonomia për më shumë punë dhe më shumë të ardhura.
