DRENOVË– Një sasi droge është gjetur dhe sekuestruar ditën e sotme brenda ambienteve të burgut të Drenovës në Korçë. Mësohet se lënda narkotike e llojit kanabis e ndarë në gjashtë doza është gjetur në dhomën e të dënuarit Kristaq Izeti.
Izeti rezulton i dënuar për vjedhje. Droga i është gjetur nga gardianët në gojë në tentativë për ta fshehur. Shërbimi i Kontrollit të Brendshëm në Policinë e Shtetit kanë nisur hetimet në lidhje me ngjarjen në mënyre që të zbardhet plotësisht sesi kjo sasi droge ka arritur të futet brenda burgut.
