Shkaqet e luhatjes së euros janë disa. E para është inflacioni në BE dhe politikat e ndjekura nga BQE (raporti i euros me monedhat e tjera) e dyta para zgjedhjeve u bënë rreth 480 mln euro investime (lum parash nga shteti per zgjedhjet) e treta parate e pista që del qartesisht edhe nga sasia e shumtë që është në qarkullim. Kështu ka deklaruar për ‘News Zone’ eksperti i ekonomisë Klodian Muço. Sipas ekspertit , me e rendesishmja janë leket e shumta qe u perdoren per te blere zgjedhjet.
“Më e rëndësishmja janë lekët e shumta që u perdoren për të blerë zgjedhjet. E kjo vërehet meë së miri nga rritja eksponenciale e disa partive që ishin deri diku inekzistente deri në 2021. Apo nga fitorja e thellë e partisë në pushtet edhe pse ka mbi 10 vjet në pushtet.”
Gazetarja e ekonomisë Ola Xama në një reagim në rrjetet sociale shprehet se:
“Bie” dhe faktori kryesor fondamental që Banka e Shqipërisë shpjegoi mbiçmimin e lekut ndaj euros.
Sipas INSTAT, të ardhurat nga eksportet në monedhën euro për 4 -mujorin e parë të vitit kanë rënë me 3.4% krahasuar me një vit më parë. Madje gjatë dy muajve kur euro u zhvlerësua drastikisht, shkalla e rënies është më e lartë, me 11.7% për marsin dhe 19.2% për prillin.
“Në këto dy muaj kanë hyrë 128 milion euro më pak nga eksportet, por në kursin e këmbimit janë konvertuar 60 milion euro më shumë. Atëherë si i doli aritmetika bankës qëndore?
Guvernatori Genc Sejko tha specifikisht kur u pyet për këtë çështje nga gazetarët, se forcimi i lekut ka si shkak faktorët formalë, një prej të cilëve “rritja në total e eksporteve”.
Xama shkruan më tej se banka qëndrore nuk duhet të bëjë politikë me këtë çështje.
“Që me këtë çështje të bëhet politikë nga njerëzit e partive që profesion kryesor kanë koncesionet është më se e kuptueshme, por ta bëjë banka qëndore, është e papranueshme.
Nëse flukset e euros që vijnë zyrtarisht përmes investimeve të huaja, turizimit, eksporteve, remitancave nuk mbulojnë sasitë e mëdha në treg, institucionet e pavarura duhet ta thonë. Nëse e kanë thënë me shkresa dhe nuk i ka dëgjuar kush, është koha ta thonë publikisht!”- Përfundon Xama./Newszone
