TIRANË– Kryeministri Edi Rama e ka nisur nga Shkodra turin e tij të takimeve pas fitores së thellë që Partia Socialiste mori në gjithë Shqipërinë në zgjedhjet e 14 majit por në veçanti në Shkodër ku theu bastionin histoirik të demokratëve. Gjatë takimit me kryebashkiakun e zgjedhur Benet Beci dhe këshilltarët e rinj bashkiakë Rama këshilloi Becin se duhet të ketë kujdes gjatë ushtrimit të detyrës. Sipas tij duhet shumë punë për ta mbajtur Shkodrën dhe jo vetëm për ta fituar. Nuk munguan as batutat. Rama tha se sa herë ka ardhur në Shkodër për të kërkuar vota, ka ngrënë shpulla.
Edi Rama: Nuk e di çfarë ka bërë por do të kesh presion të madh duhet që ta mbash atë, duhet të bësh një bashki për të gjithë qytetarët e Shkodrës nëse do që të mbështesin siç të mbështetën sepse një herë mund të fitosh, port ë përsërisësh fitoren është e vështirë. Një gjë duhet që të dish nga unë, se sa herë që kam ardhur këtu duke kërkuar vota kam ngrënë shpulla. Këtë herë të kanë fituar me mendje jo me zemër, zemrën nuk ta japin se e kanë djathtas si puna jote, por tua marrësh e tua vendosësh në qendër. Në fushatë që ti e konsidero pjesën më të vështirë është më e lehtë në zyrë është më e vështirë, janë vendimet që të takojnë ty dhe të marrësh vendimet e duhura duhet që të dish të thuash jo.
