TIRANË– Një punonjës i sigurisë private në Ambasadën e Malit të Zi në Tiranë ka ndërruar jetë këtë të premte në vendin e punës. Blutë e kryeqytetit bëjnë me dije se 62-vjeçari i identifikuar me inicialet E.M është gjetur i pajetë në vendin ku shërbente. Ndërkohë deri më tani dyshohet se vdekja ka ardhur për shkaqe natyrale.
NJOFTIMI I POLICISË:
Tiranë/Informacion paraprak. Më datë 19.05.2023, rreth orës 15:45, ka ndërruar jetë punonjësi për shërbimin privat të sigurisë fizike të Ambasadës së Malit të Zi, shtetasi E. M., 62 vjeç. Nga hetimet paraprake dyshohet se vdekja ka ardhur nga shkaqe natyrale. Grupi hetimor po punon për sqarimin e rrethanave të ngjarjes.
