TIRANË– Punonjësit e administratës publike të cilët përfituan rritjen e pagës me vendimin e qeverisë do ta marrin këtë bonus duke filluar nga muaj qershor. Lajmin e bëri me dije ministrja e Ekonomisë dhe Financave Delina Ibrahimaj, e cila nga Shkodra tha se të gjithë punonjësit në muajin qershor përveçse pagës së muajit do të ketë brenda saj dhe rritjen për prillin dhe majin. Ajo u bëri “thirrje” që të mos habiten kur të shoohin një shifer të lartë pasi ka brenda dhe rritjen e muajve të mësipërm. Ndërkohë javën që vjen projekligji i propozuar nga qeveria do të kalojë nëe seancë plenare për tu miratuar.
Delina Ibrahimaj: Pritet të miratohet javën e ardhshme ne seancë plenare. Rritja e pagave të bëhet realitet jo vetëm për punonjësit e sigurisë, jo vetëm për punonjësit e shëndetësisë, por për punonjësit e gjithë adminstratës. Ky do jetë hapi i parë. Këtë vit pagat që do merrni në muajin Qershor do reflektojnë pagën e rritur dhe do kenë shtesën e pagës për muajin Prill dhe Maj. Në muajin Qershor mos u habisni nëse paga do t’ju duket shumë e rrirut, por do ketë brenda dhe muajin Prill dhe Maj. Kjo do bëhet fakt me ligjin që do miratohet javën e ardhshme.
