BRUKSEL-Ministri i Jashtëm grek Nikos Dendias ka deklaruar këtë të hënë se çështjen e arrestimit të kryebashkiakut të zgjedhur të Himarës Fredi Beleri, i arrestuar për “Korrupsion aktiv në zgjedhje” do e ngrejë dhe në Bruksel. Shefi i diplomacisë greke po merr pjesë në takimin e Këshillit të Punëve të Jashtme të Bashkimit Europian në Bruksel. Ndër të tjera ai u shpreh se do të takohet dhe me homologen shqiptare Olta Xhaçka me të cilën “paralajmëroi” dhe një bisedë interesante pas ngjarjeve të fundit dhe replikave dhe kundër-replikave mes dy vendeve.
Nikos Dendias: Sot do të diskutojmë me kolegët në Këshill për çështjen e Ballkanit Perëndimor. Do të shfrytëzoj rastin për të ngritur qartë çështjen e ndalimit të kryetarit të zgjedhur të Bashkisë Himarë, z. Beleris. Dhe prej andej, kam ndërmend të takohem më pas me homologen time shqiptare. Mendoj se do të jetë një bisedë shumë interesante.
