SERBI– Një ngjarje e rëndë është regjistruar në Serbi këtë të hënë. Raportohet se një polic i identifikuar si Igor.A ka rrahur për vdekje një person e më pas është larguar nga vendi i ngjarjes. Mediat vendase shkruajnë se ngjarja ndodhi në një kafene të Sanxhakut, në veriperëndim të Serbisë. Viktima është identifkiuar si Ervin Çelahmetovic, një mysliman boshnjak. I riui ka qenë duke folur me miqtë e tij, kur polici 28-vjeçar, i është afruar dhe pas një debati të shkurtër, e ka goditur egërsisht pa ndalim deri në vdekje.
Mësohet se serbi mbante në dorë një unazë hekuri. Çelahmetovic ka lënë pas vetes dy motrat, Emina dhe Elza, pasi prindërit i kanë vdekur.
Dëshmitari: Të dy ishin në të njëjtin lokal, kur Igori iu afrua Ervinit, nisën të kapen me fjalë e më pas u përplasën dhe fizikisht. Polici e rrahu me egërsi. Ervini ra në dysheme dhe vazhdoi të mbetej i shtrirë, i plagosur. Kur mbërriti ambulanca, ishte vonë për të.
Igor A. është pjesëtar i njësisë speciale të policisë në Beograd. Pjesëtarët e Ministrisë së Punëve të Brendshme të Serbisë janë në kërkim intensiv për të dyshuarin, ndërsa dy persona janë ndaluar e po merren në pyetje me dyshimin se kanë ndihmuar në kryerjen e veprës penale.
