TIRANË– Ministrja e Jashtme Olta Xhaçka ka ndarë detaje nga takimi i kësaj të hëne në Bruksel me homologun grek Nikos Dendias. Përmes një postimi në rrjetet sociale shefja e diplomacisë shqiptare shkruan se çështja Beleri nuk mund të jetë një çështje politike mes dy vendeve. Sipas Xhçkës kjo është një çështje që tashmë është në dorën e drejtësisë dhe nuk mund të ndikojë në faqen e re të bashkëpunimit të hapur mes dy vendeve.
REAGIMI:
Bruksel, takimi me mikun dhe kolegun tim, Ministrin e Punëve të Jashtme të Greqisë, Nikos Dendias ishte një mundësi shumë e mirë për të diskutuar mbi çështjen “Beleri”. Theksova qartazi se kjo është një çështje gjyqësore që nuk duhet të ndikojë në faqen e re që kemi hapur në marrëdhëniet tona dypalëshe. Kjo nuk është as çështje e të Drejtave të Njeriut, as politike, e jo më një çështje dypalëshe. Z. Beleri gëzon të njëjtat të drejta si çdo qytetar tjetër shqiptar dhe asnjë qytetar shqiptar nuk është mbi ligjin. Blerja e votës është një shkelje e rëndë e ligjit tonë dhe çështja e tij tashmë është në gjykatë. E vetmja gjë që ne të gjithë mund të bëjmë është të presim me durim që procesi të ecë në rrjedhën e tij dhe të mos paragjykojmë apo hamendësojmë atë.
3/3 The only thing we all can do is to patiently wait for the process to run its course and not prejudge or second guess the proceeding.
— Olta Xhaçka🇦🇱 (@xhacka_olta) May 22, 2023
