SELANIK- Një 39 vjeçar shqiptar identiteti i të cilit nuk është bërë i ditur është arrestuar nga policia greke në Selanik. Pontosnews shkruan se atij i është gjetur dhe sekuestruar rreth 300 gram kokainë dhe mbi 30 mijë euro. Shqiptari ishte liruar pak kohë më parë nga burgu pasi ishte akuzuar për trafikim të lëndëve narkotike
Gjatë hetimeve policore të kryera në shtëpinë e tij dhe në një magazinë që përdorte, u gjetën edhe një pistoletë bashkë me 36 gëzhoja, pako me lëndë medicinale për përzierien e drogës dhe dy peshore elektronike precize.
Gjithashtu u sekuestrua një automjet i përdorur si mjet për trafik droge. 39-vjeçari shqiptar u dërgua në Prokurorinë e Shkallës së Parë Selanik ku do të njihet me akuzat e ngritura ndaj tij.
