KAVAJË– “Nuk do të hakmerrem“, kjo ka qenë dëshmia e babait të Edmond dhe Arjan Gosës dy vëllezërve të vrarë nga Habib dhe Altin Rexha, ky i fundit mbeti dhe vetë i vrarë. I moshuari ka deklaruar në Polici se nuk është e vertëtë që djali i tij Arjani ka kërcënuar familjen Rexha siç pretendon autori por gjithësesi thotë ai këtë çështje ia kam lënë në dorë drejtësisë që të veprojë. Kjo deklaratë vjen pasi një ditë më parë familja Rexha kërkoi mbrojtje nga Policia pasi i druheshin një hakmarrjeje nga familja Gosa.
Ngjarja e ndodhur tre ditë më parë vjen si pasojë e një ngjarje të rëndë të regjistruar pak muaj më parë në Kavajë ku të vrarë mbetën vëllai i viktimës Arjan Gosa dhe i autorit Habib Rexha. Altin Rexha dhe Edmond Gosa vranë njëri-tjetrin me thikë dhe armë më 29 mars 2023 pas një konflikti banal që kishte nisur për shkak të origjinës. Kur kishin lënë për tu sqaruar debati mes tyre agravoi dhe njëri qëlloi me thikë dhe tjetri iu kundërpërgj me armë duke gjetur të dy vdekjen. Ngjarja e rëndë ndodhi para syve të fëmijës së mitur të Altin Rexhës, që dyshohet që të jetë dhe shkaku se pse familja ka kërkuar hakmarrje duke vrarë tre ditë më parë Arjan Gosen teksa ky i fundit ishte në tavolinë me babanë e moshuar. Por siç ka deklaruar në Polci Habib Rexha, vrasjen e ka kryer për ti bërë parapritë një vrasjeje të mundshme të ndonjë familjari të tij pas pretendimeve të tij se viktima Arjan Gosa e kishte kërcënuar se do i vriste të gjithë familjarët dhe do i shuante.
