TIRANË– Deputeti i Partisë Demokratike Ervin Salianji ka deklaruar këtë të enjte para nisjes së seancës plenare se ata që kanë dalë në vend të katërt nuk mund tu kërkojnë llogari atyre që kanë dalë në vend të dytë, duke iu referuar zgjedhjeve vendore të 14 majit dhe debatit të brendshëm tashmë të thelluar në PD. Sipas Salianjit vetëm populli ka të drejtë të kërkojë llogari.
Ervin Salianji: Do të vazhdohet sërish me të njëjtën mënyrë. Ka dhe një budallallëk. Ata që kanë dalë të katërtit u kërkojnë llogari atyre që kanë dalë të dytët. S’po them për vete se kam dalë i pari aty ku kam qenë. Demokratët dhe shoqëria kanë gjithë të drejtën që të kërkojnë llogari.
