GJIROKASTËR– Një person është arrestuar këtë të enjte në Gjirokastër për akuzën e dhunës në familje. Raportohet se ai ka ushtruar dhunë ndaj bashkëshortes së tij duke i shkaktuar dëmtime në fytyrë dhe trup.
NJOFTIMI I POLICISË:
Gjirokastër. Specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin B. D., banues në Gjirokastër, pasi ka ushtruar dhunë fizike dhe ka goditur me sende të forta bashkëshorten e tij, duke i shkaktuar dëmtime. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
