LEZHË– Moti i keq me reshje shiu që përfshiu pasditën e kësaj të enjteje Lezhën ka bërë që për pak minuta rrugët e qytetit verior të kthehen në të pakalueshme. Siç mund të shihet dhe në pamje ujë ka vërshuar furishëm në rrugët e qytetit duke i zënë disa kalimtarë dhe të papërgatitur për situatën.
View this post on Instagram
Vështirësi ka pasur dhe në qarkullimin e mjeteve. Më problematike situata shfaqet në bulevardin “Gjergj Fishta”, bllokun e banimit “11 Janari” dhe në lagjen “Besëlidhja”. Niveli i ujit ka arritur deri në 30 centimetra, duke bllokuar hyrjet e pallateve por edhe trotuaret në disa biznese.
